Lub Sij Hawm Tawm Tswv Yim Ntawm Pej Xeem Rau Keystone Woods WMA

Cov thaj chaw tswj tsiaj qus (WMAs) yog ib feem ntawm Minnesota qhov system rau kev ua si sab nraum zoov. Cov chaw no pab tiv thaiv qhov chaw nyob rau cov tsiaj qus rau tiam tom ntej, muab chaw rau tib neeg mus yom hav zoov tua tsiaj, nuv ntses, thiab saib tsiaj qus, thiab txhawb kev ncig teb chaws raws li kev sib txuas nrog tsiaj qus hauv lub xeev. Tam sim no, muaj ntau dua 1.3 lab daim av uas zoo ntawm 1,500 WMAs uas nyob thoob plaws Minnesota, uas ua rau nws yog ib qhov chaw zoo thiab loj tshaj plaws ntawm WMA qhov system nyob rau teb chaws Meskas no.

Keystone Woods WMA yog ib cheeb tsam chaw uas muaj 1,820 daim av nyob hauv Washington County uas tseem tab tom tsim. Nws muaj hav zoov, av uas muaj dej, av uas muaj nyom, av prairie, thiab cov pas dej me me. Vim nws loj thiab nyob ze rau ntawm Twin Cities, Keystone Woods WMA muab txoj kev rau DNR los tsim ib thaj chaw uas muaj txiaj ntsig ntau rau cov neeg uas nyiam ua si sab nraum zoov. Keystone Woods WMA muaj peev xwm los muab cov kev ua si tshiab thiab cov sij hawm uas lwm qhov WMAs feem ntau tsis muaj.